Body Shaming

👉    Hello all! ဒီနေ့ကတော့ Book Review မဟုတ်ဘဲ ကိုယ်ကိုယ်တိုင်ရဲ့အမြင်၊ စိတ်ခံစားချက်လေး အကြောင်းကို ရေးချင်လို့ပါ။ ဒီနေ့ အတန်းပြီးတဲ့ချိန် Facebook သုံးနေတုန်းမှာ အရင်က Body Shaming လုပ်ခြင်းကြောင့် ဖြစ်သွားတဲ့ Case တစ်ခုအကြောင်းပြန်တွေ့လို့ Body Shaming နဲ့ပါတ်သက်တာလေး ရေးချင်လာလို့ပါ။

👉    အားလုံးသိကြတဲ့အတိုင်း မြန်မာပြည်မှာ Body Shaming ဆိုတာကို Shaming လုပ်တယ်ရယ်လို့ မမြင်ကြဘဲ ဒီတိုင်းရိုးရိုးစတာရယ်လို့ မြင်ကြတာပါ။ ကိုယ်တို့တွေ လက်တွေ့ဘဝမှာ တစ်နေ့တစ်နေ့ ကိုယ်ကိုယ်တိုင်တောင် မသိလိုက်ဘဲ သူတစ်ပါးကို Shaming လုပ်လိုက်မိတာတွေ၊ ဒီလိုပဲ ကိုယ့်ကို သူတစ်ပါးက သူကိုယ်တိုင်တောင်မသိလိုက်ဘဲ Shaming လုပ်လိုက်တာတွေ၊ ကိုယ့်အတွေးထဲမှာ သူတစ်ပါးက ကိုယ့်ကို Shaming လုပ်တယ်လို့တွေးပေမယ့် တစ်ပါးသူအမြင်မှာ Just Kidding ဆိုတဲ့ သဘောမျိုးတွေ အများကြီးပါပဲ။ တော်တော်များများအားဖြင့် ကိုယ်တို့မြန်မာတွေဟာ လမ်းမှာလူချင်း မထင်မှတ်ဘဲတွေ့လို့ နှုတ်ဆက်တာတောင် “ဟယ်... ပိန်သွားလိုက်တာ၊ ဆံပင်အရှည်နဲ့မှကြည့်ကောင်းတာ၊ ဘာလို့ဆံပင်တွေ ညှပ်လိုက်တာလဲ” စတာတွေနဲ့ Shaming လုပ်ရင်း နှုတ်ဆက်ကြတာများပါတယ်။ ပြီးတော့ ကိုယ်ငယ်ငယ်တုန်းကဆို လူကြီးတွေ အမြဲစနေကြ အရာတစ်ခုရှိပါတယ်။ အဲ့တာဘာလဲဆို ငယ်ငယ်တုန်းကမျက်နှာက အဖေနဲ့လည်းမတူ၊ အမေနဲ့လည်းမတူ၊ အစ်မနဲ့လည်းမတူဘဲ ရုပ်ကတစ်မျိုး ကွဲထွက်နေခဲ့တာပါ။ ဒီကိစ္စကို အခွင့်ကောင်းယူပြီး တစ်ချို့က မွေးစားသမီးလို့ စပါတယ်။ အစပိုင်းမှာတော့ စိတ်ဆိုးပြီး ငိုတယ်ဆိုရုံနဲ့ ပြီးသွားပေမယ့်၊ နောက်ပိုင်းမှာတော့ တကယ်ပဲ အမှိုက်ပုံက ကောက်လာတဲ့ မွေးစားသမီးလားလို့တောင် တကယ်ထင်ခဲ့တဲ့ထိပါပဲ။ လူတစ်ယောက်အမြင်မှာတော့ စလိုက်တာဆိုပေမယ့် လက်ခံသူရဲ့စိတ်ထဲမှာတော့ တကယ်ကို ဝမ်းနည်းစရာ ဖြစ်နေနိုင်ပါတယ်။ 

👉    ပြီးတော့ ဒုတိယအချက်အနေနဲ့ ကိုယ်ကငယ်ငယ်ကတည်းက Screen Time များတော့ မျက်လုံး ပေကလပ် ပေကလပ်ဖြစ်တဲ့ကိစ္စပါ။ လူကြီးတွေရော၊ မိဘတွေရော ဒီကိစ္စကိုပဲ ပြောနေတာကြောင့် မျက်လုံးကို အတတ်နိုင်ဆုံး မမှိတ်မိအောင်နေရင်း ခုဆို ပိုပြီးတောင် ဆိုးလာခဲ့ပါတယ်။ ဒါကြောင့် ကိုယ်ကိုယ်တိုင်လည်း မှတ်သွားပြီး တော်ရုံကိစ္စနဲ့ Shaming မလုပ်မိအောင် နေပါတယ်။ တော်တော်များများက ကိုယ့်ကိုထိရင်သာ Shaming လို့ ခေါင်းစဉ်တပ်ကြပေမယ့် သူတစ်ပါးကိုတော့ “ဟယ်... ငါကဒီတိုင်းလေးစတာကို အဲ့လောက်ဖြစ်စရာလား” ဆိုတဲ့လူတွေလည်း အများကြီးပါပဲ။ ဆိုတော့ကာ အဲ့လိုလူတော်တော်များများ သိသင့်တာက သူ့နေရာမှာ ငါသာဆိုရင်ရောလို့ တွေးကြည့်ပေးတတ်တဲ့ ကိုယ်ချင်းစာတရားလေးသာရှိရင် ကိုယ်ကိုယ်တိုင်လည်း သူများကို Shaming လုပ်တော့မယ့် စကားလုံးတွေကို ပြန်သိမ်းဆည်းရင် ကိုယ်လည်းစိတ်မတိုရ၊ သူတစ်ပါးလည်း စိတ်မဆင်းရဲတော့ပါဘူး။ ဒီနေရာမှာလည်း တစ်ခုပြောချင်တာက အကြံပေးတယ်ဆိုတဲ့ သဘောမျိုးနဲ့ Shaming လုပ်မိကြတာကိုပါ။ “ဟယ်... နင်ကလည်း ပိန်လိုက်တာ၊ ငါးဖောင်ရိုးအတိုင်းပဲ၊ အစားများများစားပေါ့” ဆိုတဲ့စကားထက် “နင့်ခန္ဓာကိုယ်လေးက နဂိုကတည်းက သေးတာမို့ ဝလာအောင် များများစားကြည့်ပါလား၊ အချိန်မှန်မှန် အိပ်ကြည့်ပါလား” စတဲ့ စကားမျိုးလေးပြောကြည့်ရင် နားထောင်ရတဲ့လူလည်း နားဝင်ချိုစေပါတယ်။

👉    ဆိုတော့ကာ ဒီနေ့ကတော့ ဒီလောက်ပါပဲရှင်။ ကိုယ်ကလည်း သူများကို စိတ်အေးချမ်းစေမယ့် စေတနာ၊ မေတ္တာတွေပေးပြီး၊ ကိုယ်ကိုယ်တိုင်ကလည်း သူတစ်ပါးပေးတဲ့ အေးချမ်းတဲ့ စေတနာ၊ မေတ္တာတွေကို ပျော်ပျော်ကြီး လက်ခံကြရအောင်နော်။

ချစ်ခင်စွာဖြင့် 

သွေး 

(၂၇ စက်တင်ဘာ ၂၀၂၁)