UWC Scholarship

Hello👋🎀

🎀အားလုံးပဲမင်္ဂလာပါ။ စာမရေးတာအရမ်းကြာနေပြီး Blog လေးကိုပစ်ထားသလိုဖြစ်နေပြီမလို့ ပြန်လာပါပြီရှင်။ 😼စာပြန်ရေးမယ်စဉ်းစားလိုက်တော့ စာအုပ် Review ရေးဖို့မဟုတ်ဘဲ Idea အသစ်လေးတခု ရလာပါတယ်။😆

ဆိုတော့ကာ ဒီနေ့ကတော့ စာအုပ် Review မဟုတ်ဘဲ လူငယ်တော်တော်များများ သိချင်ကြမယ်ထင်တဲ့ Scholarship အကြောင်းကို ဝေမျှပေးသွားမှာဖြစ်ပါတယ်။ စိတ်ဝင်စားရင် အဆုံးထိ လိုက်ဖတ်ကြည့်ပေးကြပါဦးနော်။✌️

(ကိုယ်တိုင်က Education Consultant မဟုတ်ဘဲ သာမန်ကျောင်းသားတယောက်ဖြစ်တာကြောင့် အမှားတစုံတရာပါသွားခဲ့သည်ရှိသော် စိတ်မရှိကြပါနဲ့နော်)🎀

🎀ဒီနေ့ Share ပေးမယ့် Scholarship ကတော့ UWC Scholarship ဖြစ်ပါတယ်။ UWC ရဲ့အရှည်ကောက်ကတော့ United World College ဖြစ်ပြီး ၁၉၆၂ ခုနှစ်မှာ UWC Atlantic College နဲ့အတူ UK မှာစတင်တည်ထောင်ခဲ့တာဖြစ်ပါတယ်။ King Charles-III နဲ့ Nelson Mandela တို့ကိုယ်တိုင် UWC ရဲ့ President နဲ့ Joint President အဖြစ် ပါဝင်ခဲ့ဖူးပါတယ်။ ကမ္ဘာပေါ်ကတိုက်ကြီးလေးတိုက်မှာ ကျောင်း ၁၈ ကျောင်းနဲ့ ဖွဲ့စည်းထားပါတယ်။ UWC ဟာ နိုင်ငံပေါင်း ၁၅၀ ကျော်မှာ National Committee တွေရှိပြီး နှစ်စဉ်နှစ်တိုင်းအသက် ၁၆-၁၉ အတွင်းလူငယ်တွေကို ခေါ်ယူတတ်ပါတယ်။ ဒါ့အပြင် ဖွံ့ဖြိုးဆဲနိုင်ငံတွေက လူငယ်တွေအတွက် Scholarship နှစ်စဉ်ပေးလေ့ရှိပါတယ်။ UWC ဟာ International Baccalaureate Diploma Program (IBDP) သင်တဲ့ကျောင်းဖြစ်ပြီး ၂ နှစ် တက်ရပါတယ်။ UWC မှာ ၂ နှစ်တက်ပြီးရင်တော့ University တွေကို Apply လုပ်လို့ရနိုင်ပါတယ်။🤩🎀

UWC ဘယ်လိုလျှောက်မလဲ?

🎀တခြားနိုင်ငံတွေမှာ National Committee တွေ ရှိသလိုမျိုးပဲ မြန်မာနိုင်ငံမှာလည်း Myanmar National Committee ရှိပါတယ်။ Myanmar NC ဟာ နှစ်တိုင်း November လနဲ့ December လတွေမှာ Scholarship အတွက် Application ဖွင့်ပေးလေ့ရှိပြီး January လလောက်မှာ Application ပိတ်ပါတယ်။Scholar ပေးတဲ့နိုင်ငံတွေကတော့ တနှစ်နဲ့တနှစ် မတူပါဘူး။ Scholarship ကတော့ နှစ်မျိုးပေးပါတယ်။ Full Scholarship နဲ့ Partial Scholarship ဖြစ်ပြီး Full Scholarship မှာ All-inclusive (Tuition, Board, Books, IB Exam Fees, Curricular Related Trips, Project Weeks, Visa and Flight Ticket, Pocket Money အားလုံး Cover ပေး)၊ Need-based Full Scholarship (Tuition, Room and Board, Books, IB Exam Fees, Curricular Related Trips, Project Weeks)၊ Up to Fully Funded (Tuition, Room and Board, Books, IB Exam Fees, Curricular Related Trips) ဆိုပြီး ၃ မျိုးပေးပါတယ်။ Partial အတွက်ကိုဘယ်လောက်ပေးတယ်ဆိုပြီး သတ်မှတ်ထားတာမျိုး မရှိဘဲ ကျောင်းသားရဲ့  Financial Background နဲ့ ညှိပြီးပေးတဲ့ သဘောမျိုးပါ။ ဆိုတော့ကာ UWC Scholarship ကို Apply လုပ်ဖို့စဉ်းစားတယ် စိတ်ဝင်စားတယ်ဆိုရင် UWC Myanmar National Committee ဆိုတဲ့ Facebook Page မှာ သွားရောက်ကြည့်ရှုနိုင်သလို UWC Myanmar ဆိုတဲ့ Website မှာလဲ ဝင်ရောက်လေ့လာနိုင်ပါတယ်။😉

Here is Facebook Page Link!👇

https://www.facebook.com/uwcmyanmarnc?mibextid=LQQJ4d

Here is website!👇

https://www.mm.uwc.org/?mibextid=Zxz2cZ 🎀

UWC Scholarship လျှောက်ဖို့ဘာတွေလိုအပ်သလဲ?

🎀High School ပြီးထားဖို့ လိုပါတယ်။ Matriculation Exam တခုခုကို ဖြေဆိုအောင်မြင် ထားရပါမယ်။ အဲ့ဒီမှာ အမှတ်ဘယ်လောက်ဆိုပြီး သတ်မှတ်ထားတာမျိုး မရှိပါဘူး။ Recommendation Letter နှစ်စောင် (From Academic and Volunteer Org) လိုအပ်ပါတယ်။ အရေးအကြီးဆုံးကတော့ မိမိရဲ့ Community ကို ဘယ်လောက်အကျိုးပြုထားသလဲဆိုတာကို ကြည့်တာဖြစ်တဲ့အတွက် ကိုယ်က Volunteer Program တွေမှာ စိတ်စေတနာထက်သန်စွာ ပါဝင်ထားဖူးတဲ့သူ ဖြစ်ဖို့လိုအပ်ပါတယ်။ ဒီ့အပြင် UWC ပြီးတဲ့အခါ ကိုယ့်နိုင်ငံ၊ ကိုယ့်ဒေသကို ကိုယ်နိုင်တဲ့တဖက်တလမ်းကနေ Contribute ပြန်လုပ်မယ့် Commitment ကိုပြနိုင်ဖို့လည်း လိုအပ်ပါတယ်။ ကျောင်းသွားတက်တဲ့အခါ ရေခြားမြေခြားမှာ လူမျိုးခြားပေါင်းစုံ အတူတူစုနေရမှာဖြစ်တဲ့အတွက် Social Skill ကောင်းဖို့၊ Diversity ကို အခြေခံတဲ့ ကျောင်းဖြစ်တဲ့အတွက် မတူကွဲပြားတဲ့ အရာတွေကို လက်ခံနိုင်တတ်ပြီး Open-minded ဖြစ်ဖို့လိုအပ်ပါတယ်။ 🤓🎀

🎀UWC ရဲ့အကြောင်း၊ History နဲ့ UWC ၁၈ ကျောင်းရဲ့ အကြောင်းတွေကို ထပ်သိချင်ရင်တော့ အောက်ပါ link တွေမှာ ဖတ်ရှုနိုင်ပါတယ်ရှင်။👇

https://www.uwc.org/about

https://www.uwc.org/history 🎀

UWC Map

                                                                        

                                                      

 🎀ဆိုတော့ကာ ဒီနေ့ကတော့ UWC Scholar အတွက် လိုအပ်တဲ့ အချက်အလက်အကြမ်းဖျဉ်းကို ပြောပြသွားတာ ဖြစ်ပါတယ်။ နောက်ပိုင်းမှာလဲ UWC အကြောင်း သိသလောက်ထပ်ပြီး ဝေမျှသွားဖို့ရှိသေးတာမို့ စိတ်ဝင်စားရင် Blog ကိုအမြဲလာရောက်လည်ပတ်ဖို့ ဖိတ်ခေါ်ပါတယ်နော်။ Bye, All! Stay Tuned!🎀❤️